音樂人周啟生近日批評叱咤樂壇男歌手金獎林家謙是「廢青」，惹林家謙粉絲不滿反擊，事件惹網民熱烈討論，張繼聰認為每個人有權表達自己看法，他不能夠代表任何人，何况周啟生是前輩，他說：「我點睇年輕一代嘅音樂人，技術係咪達到基本水平，市場會斷定，當基本水平達到，就係口味同品味問題，好主觀，我好鍾意林家謙作品。」說到姜濤亦被指「廢青」，阿聰指最近與姜濤合作，覺得對方跳舞很用心又好看。
阿聰又指認識很多前輩都很謙虛，像張家輝、古天樂（古仔）和梁朝偉（偉仔），雖然是前輩級演員，但在片場耐心聆聽導演說話，儼如小學生，會幫導演解決問題，他發覺愈勁的人愈謙虛。
阿聰表示亦曾被批評是「廢青」，是否身同感受？他說：「都係好嘅訓練，每個年代都有人話一啲人廢，廢到一個階段就冇人再講你。如果戴住廢嘅Filter去睇呢個世界，乜嘢都係廢，想批評你，乜都可以批評，我感謝批評過我嘅人，都係磨練，我將自己經驗跟年輕人分享，首先唔好同人拗，用心工作便可。」
