詹天文（Windy）今日（13日）到新城廣播接受譚玉瑛（阿譚）、何基佑及麥皓兒主持的《QK玉瑛室》訪問，宣傳新歌《麻煩彈開》，Windy送上彈彈波給一班主持，寓意歌名的「彈」字，她又指：「希望你哋啲麻煩都彈開。」18歲的Windy被問到是否遇到多麻煩事？她直言：「都幾多，人生中好多麻煩，會有人或事，有啲人磁場夾唔到都會麻煩，我盡量去面對，唔會逃避。」
阿譚又問到Windy有什麼擇偶條件？Windy表示要陽光、樂觀及高自己一個頭，但她強調：「當真正鍾意一個人時，呢啲要求都可能會冇咗。」再問Windy有沒有遇過難忘追求者？她自爆在剛過去的七夕收到男同學的表白，她說：「我同佢喺學校冇乜講過嘢，佢仲話鍾意咗我好耐，又寫咗大段嘢畀我，有少少嚇親。」
Windy已極速婉拒對方，她說：「我好明確同佢講對佢冇感覺，同埋想專注事業同學業，佢有覆我，但我冇睇。如果同一個人一齊，我要有足夠感覺，而唔係試吓。」
