蘇皓兒（Chloe）在「黃Viu煲劇平台」播放的Viu Original本地原創劇《同居少女諸事卜》中一反女神形象，更糾纏於陸駿光與鄧月平的曖昧三角關係。她在劇中不時要被陸駿光肉麻追求，常常要挑戰忍笑極限，「焗蟹」收場。
Chloe在劇中面對陸駿光的追求，她在鏡頭前後也似乎不太受落。她說︰「同佢嘅對手戲係好難忘，因為每一場佢都Chok到盡，長期對住我單眼。有場戲講我要去健身室同佢匯報公事，我講嘅對白係相對認真，但係對住佢好多時都忍唔到笑，唯有背住鏡頭『焗蟹』。每次cut機之後，大家都爆笑。估唔到陸駿光平時啲戲咁認真，拍喜劇可以咁好笑。」
被問到可接受比自己年長很多的男士追求時，Chloe說︰「我接受到年紀差距，我覺得愛情唔係睇外表或年紀，而係睇內在，所以兩個人嘅價值觀同相處夾到就OK。」《同》劇以占卜為主題， Chloe自言不太迷信，但近年也會看星座命理風水資訊。她說︰「有時生活中有啲事改變唔到，就會靠一啲求神問卜去令自己有個寄託。試過一次有啲不實報道，自己覺得好無聊，但又有啲唔開心，都有去拜神令自己好過啲。」
《同居少女諸事卜》逢星期三、四中午12時於「黃Viu」上架。
