今日「香港交通及突發事故報料區」Facebook有網民Gwai Jai報料，指ViuTV藝人郭嘉駿（193）「逆線行車撞到呀（阿）婆之後跌左（咗）落地之後出黎（嚟）講句sorry就不顧而去 !」貼上兩條車Cam短片，短片所見193所駕的紅色法拉利在倒車，阿婆行出來準備過馬路，未留意有車靠近而碰撞，她跌倒地上。另一短片見193走近阿婆說話，之後便上車離開。
今晚193就事件在Ig就交代：「昨日喺土瓜灣倒車時，於後鏡見到婆婆跌咗喺地上，我當刻即時落車向婆婆道歉及詢問有冇受傷，亦問咗需唔需要報警或送院，婆婆話冇事唔需要，於是我便上車離開。事後我已為事件向警方備案，亦會盡力配合跟進，以後開車會再加倍小心，注意路上情況及安全。」
網民對事件熱議，有網民質疑193撞到人無報警開車離開，有指「兩邊都錯」、「見到架車退緊阿婆仲行出去， 佢自己都唔小心啦。」有認為「駕駛者喺嚿鐵入面 點都要比行人更加上心... ...」，亦有指193身為公眾人物處理事件的態度有問題「送阿婆去醫院 畀contact阿婆肯定阿婆冇事，依啲基本啦！」
