張敬軒早前為港鐵拍攝45周年廣告，並重新演繹經典歌《幾分鐘的約會》，軒仔在港鐵站內遊走，看見一幕幕不同年代港產經典電影，看到好多站入面邂逅、相聚溫馨小故事，掀起不少回憶。
廣告中軒仔經過月台電視，重溫張國榮、張曼玉拍攝的電影《緣份》，2人在車廂中激吻，鄭裕玲和林子祥在電影《三人世界》入面鬥嘴：緊接青澀嘅蔡卓妍（阿Sa）在《下一站天后》追夢旅程，甚至在輕鐵發生的《幻愛》，拍得非常有意境。
軒仔說：「睇返呢啲片段真係回味無窮，位位都星光熠熠，我有幸可以喺呢個廣告入面同佢哋同場出現。」軒仔表示電影和音樂跟大家生活息息相關，所以車站、列車等經常出現在作品入面。
軒公難得走入車站拍廣告，趁機參觀和「打卡」，他發現金鐘站設計新穎，又表示現在月台好大好靚，不時在燈箱見到自己廣告，覺得好有愛。
