現年55歲的1987年港姐季軍林穎嫺(Wing) 跟丈夫與子女在美國生活，近日她頻在港現身，日前她跟歌手歐信希參與「美與健生活博覽2024」為品牌擔任快閃店長。Wing跟歐信希是多年老友，兩人同齡，逆齡是共通點。Wing認為要靚最緊要健康，包括外表及內心的健康都好重要。她覺得年齡只是一個數字，自爆：「我最近在美國食飯，都有人代我付帳，又有人問我結婚未？當我話我個仔已經讀大學，對方即時呆咗，哈哈！」
林穎嫺有三子女，歐信希仍是孤家寡人，問他是否想結婚？他說：「有想過，但又唔想被時間規限，當然亦都未遇到啱嘅人。我比較喜歡自由自在，暫時冇結婚嘅煩惱，反而可以開心愉快生活同工作，呢個亦可能有助逆齡。」
問Wing是否有計劃復出？她笑說：「我從冇話過退出喎，點會有復出？之前係暫時做重要嘅事，現在我啲小朋友長大，可以自理，我就返嚟搵多啲朋友傾偈食飯，有適合嘅工作都會接受。」Wing知道歐信希十月舉行生日音樂會，屆時如果邀請她，也可以再返港。她早前跟子女到日本及大馬旅遊，返美國前接到今次的工作故大家又見到她。
