《2024香港小姐競選》昨晚（21日）起於無綫官方社交平台陸續公開15強佳麗（1號陳紫佟Jessie、2號倪樂琳Ellyn、3號王汛文Candice、4號謝淑怡 Zoie、5號莊曉婷Kimmy、6號李曼思 Adria、7號秦冀雯Yvonne、8號盧凱怡Kerry、9號陳甜甜Rose、10號吳芷靖Clary、11號梁嘉莹Emily、12號鍾翠詩Tracy、13號程姜月Dolores、14號楊梓瑤Amina及15號俞可程Kanis）童年照，並大爆兒時趣事。
當中2號倪樂琳、3號王汛文、4號謝淑怡、8號盧凱怡及12號鍾翠詩的童年照，靚到不得了，有人眼仔睩睩，有人笑容甜美。
「甜美笑容」代表12號鍾翠詩拍攝宣傳片時，「神還原」兒時招牌篤面珠可愛手勢，並笑言：「細個嗰時嘅我好鍾意笑同影相，唔鍾意喊。」至於「眼睩睩」代表2號倪樂琳，則笑稱小時候是搞怪小妹：「我細個比較古靈精怪，見到鏡頭會好鍾意唱歌同跳舞，做啲好搞怪嘅動作。例如我鍾意喺媽咪想影我優美咁彈琴嘅時候，好似傻咗咁boom boom boom亂彈。」又笑言相關性格適合參選港姐：「因為唔會令氣氛冷場。」
除了由細靚到大，不少佳麗更是由小時候開始已憧憬參選港姐，分別是4號謝淑怡、5號莊曉婷、8號盧凱怡、10號吳芷靖及11號梁嘉莹。自小已鍾情閃閃發光東西的4號謝淑怡，小時候會邊看港姐、邊模仿冠軍佳麗向鏡頭揮手；5號莊曉婷則會與在家中扮香港小姐：「細個因為短頭髮，會攞啲毛巾扮長頭髮嘅香港小姐。」5號莊曉婷還透露小時候「超級男仔頭」之謎：「細個時媽咪一定要我哋三兄妹剪短頭髮，我係到中學先可以留長頭髮，嗰刻我好開心。」10號吳芷靖小時候已想參選港姐的原因亦很搞笑，她亦忍不住邊笑邊說：「細個係有偷偷地幻想自己係香港小姐冠軍，因為細個覺得自己好靚，一直都好有自信。」
令人意外的是，不是所有佳麗均從小到大都斯斯文文，9號陳甜甜及13號程姜月小時候竟曾和男生打架。9號陳甜甜笑言小時候試過因為打架，弄致「頭髮亂了」：「我記得小時候媽媽幫我紮很漂亮的小辮子，放學後小辮子都立起來，就是因為跟男同學打架就沒了。」13號程姜月的打架理由，則是出於正義感：「細個成日同男仔打交，因為覺得啲男仔會蝦啲女仔，我就好睇唔慣。」
