陳凱琳（Grace）今天（23日）到九龍灣出席家品店活動，她表示剛完成一家五口泰國布吉5日4夜之旅回港，搞笑投訴老公和小朋友掛住玩，沒有人肯幫她影相，她說：「搞到我有少少氣餒，唯有自拍，做女人都係自己搞啦，不過好開心，今次細仔大個咗，可以齊齊整整一齊去。」她表示今次旅行，是送給老公鄭嘉穎55歲的生日禮物，雖然本身怕曬黑，但也順應老公要求，重回當年拍拖旅行地方，對於老公舉起她拍片多次失敗，她解釋只是技巧上問題。
Grace與嘉穎早前出席監製王心慰榮休晚宴，遇上「鐵馬家族」唐詩詠，但因唐詩詠只分享與鄭嘉穎合照，被網民質疑與Grace不和，Grace解釋：「因為我掛住同賴慰玲傾偈，佢當日私下同我講又有BB，其實我冇乜所謂，都慣咗啲相影唔到我，哈哈，講笑，大家都有大合照，可能只係睇嘅人有意，我哋冇嘢，之前有喺群組約食飯，佢（唐詩詠）同老公識咗好耐，主要分享同老公合照已足夠。」
