MIRROR成員邱士縉（Stanley）日前生日，隊友呂爵安（Edan）在社交平台貼出Stanley睡覺黑圖賀壽，惹來Stanley反擊，在社交平台拜託各方好友幫忙，誠徵Edan終極黑圖，而連日來眾志成城，不少網民甚至爵屎（Edan粉絲暱稱）紛紛加入戰團貼黑圖，應有盡有勁搞笑。
今晚（23日）Edan亦在Ig自放5張他本人終極黑圖自嘲，這5張黑圖相當出事：「經過大家早兩日嘅黑圖大戰，我發現咗一樣嘢，原來我唔係面皮厚，我係面皮鬆。」Edan笑言都有被自己震驚到：「唔通我老咗就係咁嘅樣，原來跳緊舞嘅我塊面會變形，唔怪得大家都話我難影。」好友黃正宜則搞笑留言：「呢個先係我認識嘅你。」
MIRROR隊友Stanley留言：「已經無嘢傷害到你了」、MC說：「忍唔住留低睇咗好耐」、林奕匡挑選最喜歡是反白眼的一張，Edan回應對方很仁慈 ; 佘詩曼與周家怡也以笑到喊的Emoji 作回應。Edan這招給大家帶來無限歡樂！
