《新城33周年台慶Show》昨晚（24日）在會展舉行，有份出席的視后張可頤，獲首席營運總監馬浚偉之邀，上台真誠演講，分享人生感悟。
問到曾是女團「花生女郎」成員為何不展歌喉？她說：「冇準備，其實我一直有個夢想可以演講，但又冇咁叻可以開到Talk騷，今次終於有機會，只希望能喺空餘時間，可以幫到社會或者活在黑暗中嘅人，但唔會話唔再做戲。」她表示早已接拍電影，因檔期問題無緣參演無綫劇《巨塔之后》，但深信定有機會返娘家拍劇，她說：「我唔捨得劇迷，總有機會。」
同場的泳兒大讚師妹女團VIVA上台很有自信，表演純熟，VIVA成員張鈊貽（Val C）將要兼顧大學學業，泳兒笑言可暫時頂替其位置免費練舞，她說：「其實出新歌都想跳舞，但冇乜信心，估計要花1年去練，我都想同VIVA可以去韓國訓練，應該會有好大進步，希望公司有資源，令我增值自己。」
另外，新城廣播「鎮台之寶」薛家燕，聯同家燕媽媽藝術中心的學生，合唱一曲《Sexy Music》帶出跨代共融之美。
