商台台慶｜Do姐評男拍檔假髮Look 笑傑朱聽到「外母」林珊珊即面紅 (17:37)

鄭裕玲（Do姐）昨晚（26日）罕有出席商台台慶，她今午（27日）在電台節目《口水多過浪花》時表示，已經多年沒有出席，她說：「實不相瞞，我好喜歡大合照，覺得值得留念，除咗係一﹑二台仝人合照，仲有二台DJ....7點鐘就影相，呢個簡直係啱晒我『河車』，最慘就話嗰啲食晒先嚟大合照，尋晚7點就影。（余迪偉：保住你起碼9點上牀瞓覺）係喇，仲可以煲多一集（劇），影相好開心，見到舊同事。」Do姐坦言影完合照好開心，之後還跟同事寒暄幾句便先行離開。