林峯今天（27日）到上環出席手機發佈會，他表示經常用手機幫女兒影相，因太太叮囑他要為女兒留下紀錄，他亦很多謝太太經常拍片和剪片，留下美好片段，每次重看感覺甜蜜，但他平時少用手機拍照或自拍，他說：「我鍾意拍戲多過拍照，太太絕對有投訴我的技術，因為佢影相好叻，如街上有人要求合照先自拍，但都練咗10幾年，一般都唔會推，除非影響到其他人。」
林峯表示下月澳門騷，排舞排了一半，對於早前容祖兒澳門騷因升降台問題險釀意外，林峯讚祖兒身手好，笑言可參演電影《九龍城寨》系列。他日前與堂妹林夏薇及好兄弟吳卓羲捧郭富城演唱會場，他表示除了支持戲中演父親的城城，亦特地為自己演唱會取經，向舞台王者學習。
問是否陪伴傳失戀的吳卓羲睇騷散心？他說：「散咩心呀？呢啲問番佢，咁多年我哋都唔講呢啲，佢最近冇話好悶，只係成日講失業，我真係唔信，佢點會失業？」林峯稱最近和對方常食飯，對方沒異樣，他笑說：「冇乜唔同，都係好靚仔。（介紹女仔給他認識？）我識嘅佢都識，呢啲咁大個人自己搞，專心做嘢啦！」
