蘇韻姿早前現身網上頻道「雲楚笙 奇門遁甲」節目，被雲師傅直指不太適合從事演藝娛樂行業。蘇韻姿在節目開始時說︰「呢一行好risky，我有冇入錯行？呢度適唔適合我？」雲師傅回答：「其實唔算好適合，你喺呢行好易有超大壓力、超大難題、超多阻礙，會冇方向，呢個行業同你唔算好近，你會做得比較吃力，反而同老師呢個行業緣分較近，可以做多啲教學方面工作，只要喺演藝元素加入教學，會有另一番睇法。」蘇韻姿聞言稱目前從事教學工作，她自言很喜歡小朋友，正教小朋友英語音樂劇。
雲師傅又指蘇韻姿性格比較奔放開朗，命格帶着「錯誤」，說話上容易辭不達意。他說：「說話會唔覺意得罪人，因為性格比較奔放開朗，有時講嘢少咗一份考慮，衝口而出，必然容易講錯嘢。」蘇韻姿無奈笑說：「我一路都講緊錯嘅嘢，哈哈。」雲師傅續指蘇韻姿自2022年開始不太開心，因為今年犯太歲，所以是非特別多，而且徒勞無功。蘇韻姿聽後無奈歎氣，雲師傅說她下半年開始進入黃金期，所有事情都會有點起色。
