趙希洛（Candice）今天（7日）出席活動時，透露自年初開始便不停咳，個多月前更感染新冠病毒，發冷發熱、周身痛和肚屙，檢測前一度以為只是腸胃炎。Candice表示新冠病毒康復後仍未止咳，屋苑管理員也怕了她。
她說︰「我睇完醫生都唔好，試過隻眼腫到化唔到妝，因而失去好多工作。不過，我依家已經好番，可以出嚟全力開工。我返咗香港15年都未試過病得咁嚴重，其間仲被爸媽嫌棄，要我喺房內隔離，我於是搬咗去男朋友屋企暫住。男朋友有照顧我，幫我斟水。佢真係好好，唔嫌棄我已經好難得。」
談到可會到男友家中長住，Candice笑言︰「可以傾吓，如果唔使交租就可以。自從農曆新年後，我大部分時間都病，覺得有需要搵風水師睇睇。結婚冲喜？男友已求婚，我點回答要保持神秘，當自己準備好就會同大家講。」
