正在澳門舉行演唱會的林峯昨晚（11日）出席手表品牌活動時，表示以八成紅館架構製作澳門個唱，可說是紅館演唱會前的熱身。談到演出嘉賓有佘詩曼、吳卓羲，他說︰「啲兄弟姊妹冇理由唔撐﹗我哋間中聚會，都有同佢哋講過mark定期過嚟一齊玩，冇壓力，上到台大家一齊玩就得。」
對於佘詩曼在台上稱驚到震，林峯說︰「識佢多年，唔知道上台唱歌對佢咁大衝擊。我真係有催佢交歌，因為樂隊都要綵排。佢最後一秒至決定唱乜嘢歌，但好多謝佢。我哋有唱過K，但同上台唱唔同。可能佢少做演唱會嘉賓，呢件事對佢嚟講比較新鮮，佢好認真對待，超出100分。台上叫佢『女朋友』？我平時都係叫佢女朋友。太太見到佢，都會同我講『你女朋友呀』。」
林峯拒透露胡子彤、張文傑及劉俊謙會否真人現身舞台，但古天樂很忙，留待紅館演唱會才做嘉賓，女兒亦因為要上學不會捧場。
