陳楨怡（Celina）昨天（11日）完成劇集《巨塔之后》在布拉格的外景拍攝，她表示首次到訪當地心情興奮︰「上次去歐洲已經係5年前讀書時候，所以期待咗今次行程幾個月。雖然日日都要開工，但我會喺放工時抽啲時間行吓特色地方、食好地道嘅豬手，豬手好大隻，性價比好高。我仲坐咗20分鐘馬車，圍住布拉格廣場轉咗個圈。由細到大睇電視，我都好想坐馬車。」
Celina表示劇組氛圍好，大家每晚收工後會一同前往品嘗布拉格菜，她又與宣萱逛特色教堂，及被評為全球最靚的品牌咖啡店。Celina說︰「成個劇組都叫佢做姐姐，因為佢真係好似個大姐姐，照顧我哋所有人。完成內地，香港同布拉格Trip，都對住大家3個幾月，好唔捨得大家。劇組真係好似一個family，相處得好開心。好多謝佳導（鍾澍佳）畀呢個機會，同認識咁多位前輩，大家都好照顧我，教咗我好多嘢，今次呢個拍攝真係得到咗好多。」
