MIRROR推出小組歌，打頭陣是盧瀚霆（Anson Lo，AL）、呂爵安（Edan）、李駿傑（Jeremy）及姜濤合唱的《Strawberry Love》，4子早前更到泰國拍歌曲MV。
Jeremy前天（12日）在社交平台分享感受及拍攝MV時的花絮照片，他說︰「拍攝嘅時候，可惜天氣不似預期，但總算拍嘅時候停雨，已經係好幸運。首歌，講真，我自己都幾期待。出道六年，都好似冇咩嘗試過清新嘅可愛嘅男團歌。呢首，終於可以試下。我成日笑自己，終於可以喺30歲之前做到呢件事。平時睇開人哋男團都係20歲左右做，但總算有心唔怕遲，哈哈哈哈哈哈哈﹗辛苦晒所有工作人員，拍攝嘅時候又熱又焗，凌晨開始化妝，一路拍到夜晚收工。我哋啲衫都係長期係濕嘅狀態，好在唔係好見到。無論點都好，希望首歌可以帶俾大家新嘅感覺，感覺到開心﹗」
相中的Jeremy站在馬路上拍照，站在他身後不遠處的Edan正在低頭看手機。有粉絲笑問︰「Edan喺後面玩手機，係咪得我一個錯重點？」有網民回覆︰「是跟某人談心吧﹗」
