男團MIRROR自6月初齊腳演出完《第六屆KKBOX香港風雲榜》音樂會，已有3個多月未再合體。MIRROR官方Ig昨晚（21日）公布新歌《Hunt You Down》明天（23日）中午在叱咤樂壇首播，MV則於明晚9點在MIRROR YouTube Channel MV首播，而12子將於9月25日（周三）中午12點半，接受商台叱咤樂壇Live訪問。
MIRROR的全新單曲宣傳照曝光，12子一字排開，姜濤﹑盧瀚霆﹑陳卓賢和呂爵安企中間，而他們的造型，網民反應不一，但彈多過讚，12子中只有姜濤黑色造型上陣，右手有紋身獲讚有型，隊長楊樂文（Lokman）條褲膝頭位置被笑指似戴了「護膝」，有網民留言：「連Jeremy（李駿傑）都好似斷左腳咁。」﹑「又一個慘不忍睹嘅造型」﹑「較正常係姜濤件衫，黑萌萌，睇唔到啲細節」﹑「全部變晒洪七公徒弟」﹑「丐幫」。
