ViuTV《晚吹-音樂系》明晚（26日）播出的新一集請來闊別樂壇13年的和田裕美及其音樂班底現身，暢談全新單曲《最佳女友的自我修養》。裕美表示再出歌是受填詞人林雨辰鼓勵︰「做咗咁多年音樂，都冇音樂人問過我其實鍾意咩類型嘅歌？想做啲咩歌？又或者係一隻真係寫緊自己心情嘅歌。以前做音樂都係受制於公司，好多時都身不由己，但今次提出意見時，卻收到『最緊要係你鍾意』回覆，我覺得好感動，因為從來沒冇人同我咁樣講過。」
時隔多年再入錄音室，裕美直言對自己的聲音感到陌生。她表示新歌應其要求一開始就入歌，中間也沒停頓位，要一唱到尾之餘還非常高音，所以在錄歌途中忍不住要停下來吃杯麵充飢。林雨辰表示其創作的歌詞重點是放在裕美多年來的歷練，造就出她現在的修為和修養。裕美表示︰「經過13年嘅經歷同成長，我依家唱歌更有感覺，出歌當日喺現場演唱時仲感動落淚，就連當年拎新人獎時也未試過咁開心。可以推出一首自己有份參與構想嘅歌，真係好似生仔一樣。」
