周吉佩（吉吉）出席香港房屋委員會舉辦的國慶75周年「型聚‧夢想舞台總決賽」，擔任評判及表演嘉賓。吉吉表示今次比賽以「追逐夢想」為主題，參賽者要經過初賽，過關斬將才到總決賽，令他想起自己參加《中年好聲音》的緊張時刻，被問到《中年好聲音3》有沒有心水參賽者？他表示：「今年大馬及大灣區過江龍好似幾勁，我哋香港選手要加油，我最近寫咗一首新歌關於追夢，希望遲啲可以上《中年3》舞台為參賽者打氣。」
10月8日是吉吉牛一，生日在即，吉吉表示10月5日將會舉行生日派對，與歌迷坐水晶巴士遊車河，並在車廂內吃晚餐，之後直落舉行音樂會，以靚歌會樂迷。吉吉說：「今次音樂會好特別，全晚唔會唱自己歌，會唱啲平時大家好少聽我唱嘅歌，特別送畀我嘅歌迷而舉辦，其他歌留番演唱會先唱。」吉吉透露10月6日會舉辦「周吉佩《第三人生》演唱會發布會」，屆時會公布演唱會詳情。被問到如何備戰演唱會，他表示最近每日都操肌健身，希望以最佳狀態視人。
