溫碧霞（Irene）上周飛往美國，與電影製作人洽談新片計劃，隨後又飛到西班牙，拍攝最新寫真集《Life Style》。Irene身穿多套華麗長裙，穿梭兩地名勝，大騷纖腰和白滑玉背，包括一輯黑白「牀照」，露出修長美腿，她笑言：「畀大家睇少少先，寫真集相片更多更靚，到時再畀大家仔細欣賞。」
Irene在西班牙逗留5天，其中3天進行拍攝，她對這次拍攝作品感到滿意：「希望呢本寫真集，能夠真實展現我對旅遊嘅熱愛，讓大家了解唔同地方文化背景。呢本寫真係送畀我啲粉絲最好禮物，感謝佢哋多年來對我支持，無論我身在何處，佢哋總係喺我身邊，好多謝佢哋。」
前天（1日）是Irene和丈夫何祖光結婚24周年紀念，Irene趕返香港與丈夫慶祝，隨後又返北京工作：「呢個月真係好忙，每次影寫真都係我保持身材好機會，最近我保持喺最弗嘅狀態47公斤，好開心！用嚟迎接我嘅新戲《謊島美人魚》上映，同埋11月嘅演唱會，返嚟會加緊練歌，暫時會喺廣東省開3場，之後再到內地其他城市，希望未來能夠有機會喺紅館開演唱會。」
