張敬軒將於10月中起一連4個星期五至日，在澳門倫敦人綜藝館舉行12場《Dahlia Blossom The Prime Classics Live 2024 張敬軒澳門演唱會》。上月底軒仔擔任中環海濱活動空間舉行的音樂會表演嘉賓後，便正式閉關練習，今天（3日）他在社交平台留言：「大家早晨！尋日除咗要拍攝，仲有去處理（愛貓）Leslie嘅事，今日開始閉關練嘢了，呢幾日轉天氣好多朋友都病咗，大家要注意保養，朝早帶多件衫或者頸巾出門口，人多嘅地方戴返口罩。趁好天、能量好嘅日子，可以試下『接地氣』，前一輪日日出入動物醫院，加上個人心情麻麻，我試咗幾次，覺得對調整自己嘅能量，係有幫助嘅，具體方法上youtube搵嚟睇下，大家今日加油呀，一切都會好嘅。」
軒仔言出必行，今晚他再更新社交平台，並貼了「接地氣」短片：「我真係有去㗎，俾自己take個break仔，今日好好天。」另外，有網民將軒仔唱《青春常駐》的演唱會片段聯乘美國樂壇天后瑪麗嘉兒（Mariah Carey）的經典金曲《Without You》，剪接效果出奇理想，就連軒仔本尊也留言：「喂﹗呢個堅勁﹗」
