黎瑞恩（小恩子）昨天（5日）現身新城廣播，接受由薛家燕、范振鋒、思敏主持的「開心大派對」訪問，家燕姐恭喜小恩子將於今個月19、20日，在西九戲曲中心大劇院舉行2場《V Union恩賞・演唱會2024》。小恩子說：「呢個演唱會發生得好特別，本來計劃明年才開個唱，主辦突然話有場地2日檔期，就即刻成事，好鍾意呢個場地，好壯觀，聲又靚。」
家燕姐表示欣賞小恩子對音樂及唱歌要求高，小恩子說：「係好執著，有少少唔完美都會瞓唔著。練歌時覺得唱得唔太好，就會瞓唔著，個腦靜唔到，不停地諗。」因為演唱會無形壓力，小恩子上星期發燒2天，現時外出都戴口罩。
小恩子今次演唱會呼籲大家不要送花籃及禮物，把錢捐贈慈善機構，阿范問不怕沒有花籃場面冷清？小恩子說：「唔怕，反正花籃只放2日，好浪費，而且『快樂港仁』贈醫施藥，好有意思，每捐100元就可以幫一位老人家針灸，一個花籃嘅錢可以幫到好多位老人免費針灸。」再談到人生，小恩子坦言：「𠵱家我好化，以前就唔化，小小事就會嬲，𠵱家好平常心。」
