杜如風（Helen）主持的TVB Plus節目《解風福岡》，昨晚（7日）起一連兩集介紹「小夏威夷」之稱的「糸島」。她到訪白色鳥居及夫妻岩時遇上一班粉絲，合照之餘更擔任攝影師替他們合照。Helen在節目中介紹島上的美食，包括90分鐘海鮮放題及木桶魚生飯店。
今晚播出的新一集，Helen將介紹美國校巴改裝的vintage shop，又回憶年少時在加拿大留學期間發生的戀事。她透露當年曾暗戀一名印度籍男生︰「佢好靚仔，輪廓好深眼大大、瘦瘦哋，係我唔同班嘅同學。大家搭同一班校巴返學，佢成日坐埋我隔籬左近。嗰時返學放學都見到佢，但太細個唔敢主動。我之後考到車牌揸車返學，呢段『戀情』就無疾而終。」
Helen將在後晚（10日）播出的一集繼續「爆料」。她在二手店看到一個名牌竹系背囊，稱1990年代在加拿大上學時，每個女孩子都會買一個當書包用。她笑言︰「大家都睇到，呢個背囊細到咁，一本書都擺唔落，證明我哋去到淨係買嘢，唔係好返學。」
