汪明荃（阿姐）將於11月在紅館舉行演唱會，距離個唱尚有個多月時間，阿姐除了籌備綵排演唱會外，還積極宣傳，正如她之前在Ig所言，任何宣傳只要能做的，她都親力親為去做，相當認真及勤力。
阿姐日前接受陳志雲的訪問，2人回應網民提問，陳志雲提到阿姐近年喜與年輕藝人合作，而MIRROR成員呂爵安（Edan）﹑盧瀚霆（Anson Lo）﹑李駿傑和柳應廷，曾到訪阿姐和羅家英屋企拜年，阿姐也讚後輩有心及尊師重道。
陳志雲問阿姐：「MIRROR 12子你最鍾意邊個？」阿姐想了一會便答Anson Lui（編按：Anson Lo），志雲立即幫阿姐打圓場︰「即係『登神』，Edan同Anson，或者『Edan Lo』，阿姐果然快人快語。」阿姐聞言也糾正是Edan Lui（呂爵安）才對。
接着陳志雲再說：「Edan之前有啲困惑，你（阿姐）有冇留意？」阿姐說：「有留意到，嗰啲好閒，咁年輕，又唔係有家室，我唔覺得有問題。」
之後陳志雲讀出網民留言時，自己也口快快讀錯：「係囉！一個姓呂，一個姓盧。呂爵安、『盧冠霆』嘛！」他讀錯後即笑住補鑊︰「 哎呀﹗唔好罰我，係盧瀚霆！」
