李幸倪（Gin Lee）近日與叱咤903《廣東歌關注組》主持阿酸走訪大學校園，與學生合辦廣東歌表演，增加學生對廣東歌的關注度，傳承廣東歌文化。Gin Lee日前到訪香港科技大學時化身一日科大跳繩隊成員，演繹快歌《Diff.》時更融入花式跳繩動作。她隨後與科大凝音社樂隊合作，演繹重新編曲的《企好X雙雙》。曾傲棐（Arvin）當日亦驚喜現身，現場演繹《密友圈之謎》。
活動期間，Gin Lee藉歌曲《新牌仔》寄語學生︰「我知道做學生嘅壓力好大，就算係我都好似歌詞所講一直學習。一個人就算去到60歲，都有好多嘢會覺得自己係新手一樣，所以唔需要太逼迫自己，身心健康先係人生嘅首位。雖然今日只係短短幾首歌嘅時間，我好希望藉住歌曲為大家提供一點喘息嘅空間。」
初次挑戰花式跳繩的Gin Lee很開心可以成就解鎖，學生們的投入演出更讓她深受感動。她說︰「為咗今次嘅學校演出，我哋幾個月前就一齊開會同埋練習，我係跳繩新牌仔，佢哋除咗係學生都係我老師。今次除咗搵樂隊一齊表演之外，仲邀請跳繩隊一齊合作，就係希望藉今次活動，喺大學發掘有不同才能嘅學生，我好想畀大家都知道每個人都有佢哋嘅獨特發光點。」
