麥浚龍（Juno）將於年尾假會展舉行「The Album」新章節番外篇所延伸的演唱會，他近日接受HOY TV主播俞詠文（Angela）訪問時，直言之前沒預計會開這個演唱會。他說︰「之前都試過將專輯或者電影上嘅角色放上舞台，咁我就諗番『The Album』呢個企劃，視點唔再喺董折、蒲銘心，反而係講佢個囡囡董蒲，從而了解番佢爸爸。至於邊個藝人飾演呢個囡囡，我已經有人選，但要保持神秘感，開騷時大家就會知。」
談到新歌《天與地的距離》，Juno稱這是一首實驗作品，希望能藉此勾起聽眾4年來的印象。他續說︰「點解用父女呢個關係去開騷呢，我相信係因為我同我啲貓嘅關係，佢哋咪係我啲小朋友囉! 新冠疫情期間，我其中一隻貓走咗，可能呢個係一個啟發，令我去寫一段父女關係。」視愛貓為仔女的Juno，直言從未想過生兒育女。他表示︰「如果我係一個爸爸，我相信我係一個好開明嘅爸爸，但都可以係一個好自私嘅父親。我唔想做爸爸，因為我有太多嘢想做，做爸爸唔係我嘅to do list。」
