周吉佩（吉吉）日前拍攝新歌《第三人生》MV，請來袁富華參與演出。他表示寫歌時已鎖定邀請袁富華拍攝，袁富華亦表示被歌曲打動而答應演出。MV在一間結他店內取景，袁富華拿起結他彈奏，吉吉即時化身老師給予指導。袁富華說︰「之前因為拍戲關係，學過幾堂結他，不過學極都唔識，今日吉吉教咗我一個小技巧，即刻上手彈到，認真厲害。」吉吉把握機會，向袁富華請教演戲方法。對於吉吉的演技，袁富華讚他有潛質：「佢本身唱開歌，其實唱歌都係演緊戲，所以佢好快上手。」吉吉大讚袁富華演出時，每個臉部表情均十分細緻。
《第三人生》MV日前推出，兩日的播放率已過10萬。歌曲將於今晚（18日）9時推出MV劇場版，作為MV導演的吉吉表示：「今次係微電影方式，當中有好多細節一首歌時間唔夠出，所以加推一隻劇場版，希望畀觀眾見到更多華哥嘅精湛演技，華哥仲有一場好精彩嘅打戲未出。因為華哥，我啲演技都好似好咗。」對於演唱會門票即日售罄，吉吉多謝粉絲支持。至於會否加場，他說︰「可以開一場已經好滿足，等公司安排。」
