鄭文雅以中國古文字藝術學會藝術顧問身分，出席「滙藝書畫展」，展出3個作品包括：「行書 岳飛滿江紅」、龜板白文刻字掛件《甲骨文蘭亭序》及陶藝掛件「甲骨文千字文」。
鄭文雅說：「其中一幅書法作品，係睇完張藝謀拍嘅《滿江紅》而有靈感，因為真好感動，熱血沸騰，就寫咗書法作品《滿江紅》，亦放咗岳飛『精忠報國』4個字；另一幅龜背形甲骨文《蘭亭序》，係因為去年認識中帑老師，老師送書法《蘭亭序》，為咗唔浪費老師送畀我嘅禮物，就用咗龜背形狀圖板刻出嚟。」
鄭文雅熱愛藝術創作，不停自己有作品，她形容是「攞苦嚟辛」，除今次3件作品展出，明年3月香港大學圖書館112周年，亦為她舉行個人文化作品展，會為她出一本書，她已邀朋友為她寫書中內容，她說：「估唔到第一個交稿嘅係高志森，寫咗當年合作嘅事，真係震撼，我亦考慮將1986年寫真集珍藏原稿展覽，我想像如寫真集照片展覽一定會大排長龍。」
