「六合彩之子」蔡國威不經不覺已主持《六合彩》合共17年，包括在亞視年代2005年到2015年，以及在無綫2017年10月19至2024年10月19日，打破了「冬叔」夏春秋紀錄，成為六合彩最長壽主持，正式踏上第18年路程。
蔡國威在Ig貼相並分享感受：「回想由第一日開始主持，我梗係有諗過做得越耐越好，但唔敢想像可以打破冬叔17年嘅紀錄（1976-1993），畢竟一啲都唔容易，冬叔仲要非常專業同有代表性，時光飛逝，我都憑住努力不懈，得到大家嘅認同，終於可以承傳。」
問到主持《六合彩》難忘事，蔡國威說：「最難忘嗰次係用後備攪珠機攪珠，因為係直播途中突然發生，作為主持其實執生好緊要，好彩《六合彩》有危機處理指引，好快就應付得到，化險為夷。（有沒有中過六合彩？）大約10年前我最叻中過3獎，當年派彩大約38,000元，但好快畀我用晒去旅行﹑買嘢及同朋友食飯。」
