謝君豪、陳湛文今天（3日）與ViuTV節目《選角》參加者出席記者會，擔任導師和策劃人的謝君豪讚眾學員都進取好學，要避開他們的眼神，才有時間去洗手間和放工。謝君豪說：「排戲就冇覺好瞓，因為瞓瞓吓就會諗番起件事。雖然辛苦，但我好鍾意。如果節目再開第2季，我想繼續做。」首次擔任選秀節目主持的陳湛文自言沒天分，做過主持才知強尼、森美很厲害。他說：「我都有壓力，豪哥就話排戲瞓唔着，我『食螺絲』都會瞓唔着。」
電影《焚城》上映當日成為下半年最高開畫票房港產片，謝君豪說︰「老闆江志強癲癲哋，呢個市道仲肯花巨額投資。」對於慈善月曆裏的造型被指不夠大膽，他笑道：「點先夠大膽？澳洲嗰啲？我依家向佢哋挑機，叫佢哋學我哋影濕身照同拍MV！」
曾跟張天賦（MC）傳緋聞的參賽者陳映影（Santis）透露曾在拍攝節目時落淚，她強調與MC已沒聯絡：「呢單嘢已經咸豐年前，我自此之後已冇任何感情生活，更清楚自己要專注事業。我夢想由始至終係做演員，冇特別擔心之前嘅緋聞會影響我追夢。」
