馮允謙（Jay Fung）從未染指過叱咤男歌手金獎，他表示今年有信心衝金，對創作歌手獎亦有信心，暫時有1首半冠軍歌的他說：「我入行以來都冇攞過金獎，覺得自己今年好努力，做咗好多嘢，都有信心，希望攞到獎報答公司、朋友、屋企，身邊人鼓勵。」
問獲安排企前排C位，會否覺得獲獎機會大增？他則說：「我唔知，其實我感覺唔到，大會安排要我企邊就企邊。」他認為很多男歌手都很犀利，個個都有機會攞獎，自己無論如何都要繼續努力，
MC張天賦暫時未有冠軍歌，他指今年忙演唱會及電影工作，但否認放低音樂事業，也推出了2首歌，他說：「攞獎信心幾時都有，但只係有信心並唔足夠，雖然歌曲暫時反映未必咁好，都會繼續努力。」他明言會祝福Jay Fung奪金，大讚對方是有才華歌手，並表示從沒有視任何歌手為敵人。
林家謙表示今年創作了30多首歌曲，很滿意成績，他說：「對作品質素上，自己交到功課，所以銀或金都唔緊要，至於係咪有廢青感覺，每個人看法唔同，有時愈努力時，大家睇法又未必一樣，冇咁努力時，大家又覺得我好勤力，唔知點解大家有呢個錯覺，今年我覺得自己好勤力，今年睇好所有人，包括MC。」
