首屆香港「Global 6K for Water」將於12月8日金鐘添馬公園舉行。香港世界宣明會邀得影后張艾嘉領軍，孖馮允謙（Jay Fung）及導演劉偉恒，擔任活動大使，早前他們為活動拍宣傳片及海報。
張姐首次以跑者身分為活動籌款，提到她與跑步的淵源，原來與好友周潤發有關：「自從COVID之後，周潤發就約我去跑步，開頭我真係跑唔郁，3分鐘我已經就嚟死，不過佢話我知跑步就係需要毅力，就係要慢慢練，唔可以停，要繼續跑。喺跑步中間，我得到好多樂趣同埋搵番啲健康。」
劉偉恒笑指自己跑步，亦間接與發哥有關，他表示好友周家怡同樣在疫情期間，邀請他加入跑隊：「嗰隊人就係由發哥跑步團嗰度衍生出嚟，發哥嘅教練蘇凱男，同我哋一齊跑。嗰陣日日喺城門水塘跑，見親都係影視圈嘅人，米雪姐、黃日華、發哥表妹。最有趣嘅地方，我同過咁多同佢咁（接）近嘅人跑，唯獨冇同過發哥跑，連野生捕獲都未試過。」Jay Fung雖然未曾與發哥跑步，但他直言：「如果佢叫我跑，我一定去啦！」
