港產片《裡應外合》的3位主角周家怡，楊天宇（Angus）及馬思惠（Macy），接受HOY TV主播俞詠文（Angela）訪問，分享拍攝的趣事及點滴。對於這套電影拍完3年才上映，首次擔正男主角的Angus直言期待：「當然係好興奮，但都好有壓力， 始終對於個票房，或者觀眾反應我會好在意， 希望會有好成績，我呢1個月瞓唔著。 」
為了這部電影，楊天宇「搵命搏」：「諗番開拍前嗰段操練時間，真係猶如地獄，當時練到成身傷，𠵱家仲未好番， 嗰種係形容唔到嘅辛苦，1個月裏面，練晒所有門派武術，嗰陣時我一個禮拜練足6日，每日練4個鐘，教練唔當你係演員，直情當你係運動員，有好多時候練到暈，教練淨係話o唔ok？ok再嚟啦! 有一次晏晝練到爆手指，到夜晚去舉鐵時候，教練就話其他手指冇事就練，幾hardcore呀! 」
周家怡佩服Angus：「 我見到Angus喺天台度練單槓，我幾驚佢飛咗出街呀! 其實我都好明白拍動作片，傷咗都仲要練嗰種感受，心理壓力好大，又怕自己做唔好，有好內疚嘅感覺，所以都唔係太想拍動作戲。」
