吳業坤（坤哥）日前才完成毅行者賽事，緊接參加昨早（17日）舉行的機場三跑賽跑，毅力十足。今早（18日）坤哥在社交平台貼相並分享感受，他直言前一晚行完毅行，腳痛兼起水皰，昨晨落牀都有難度又怕跑不動，他寫道：「不過講左（咗）唔去好衰仔（雖然成日），同埋唔知仲有無機會可以係機場入面跑步，就抱著一生懸命的心去，想當年第一次10K完三日行唔到路，到今日行完100K仲可以破自己紀錄57分12秒，好開心！」
坤哥表示雖然跑步他不懂帶出什麼大道理，但相信和做人一樣，望住前面不要耷低頭，一步一步踏出去，跑慢少少，唞兩啖氣繼續衝就好了，他寫道：「Btw我跑果時又換衫又揼自己心口，又大叫不要見怪，最後見到好多朋友仔！開心的早上！」而他昨早最開心還有跟影帝周潤發合照，他寫道：「發哥叫得出我個名好開心（多謝記者朋友們出口相助）。」
