韓國女團Blackpink泰籍成員Lisa的《LISA Fan Meetup in Asia 2024–Hong Kong》亞洲巡迴粉絲見面會香港站，昨晚（19日）在亞洲國際博覽館舉行，並由無綫男藝人黃庭鋒擔任MC。
今晚（20日）庭鋒在Ig貼出昨晚Lisa見面會的照片，並分享感受，他坦言今次絕對是他有史以來最緊張的一次演出：「當哩（呢）件事真係發生既（嘅）時候，我問左（咗）好多次：『係咪真㗎？』亞洲博覽館、1萬位粉絲、單人匹馬、全英文、而最重要係Lisa is in Hong Kong!!! 今次絕對係我有史以黎（嚟）最緊張既（嘅）一次演出，雖然之前同碧咸傾計（偈）時都有手震，但係今次既（嘅）壓力確實好大，好多謝你既（嘅）友善同熱情，主動同我say hi，令我放鬆，好好享受哩（呢）個show，再次感謝你地（哋）每一位既（嘅）歡呼，令到哩（呢）個Asia tour有一個完美既（嘅）句號。」
