鍾雪瑩首度封金馬影后，近日網上瘋傳當年她15歲時，在《亞洲星光大道3》聖誕特輯中，與陳蕾及古淖文同台片段，問看到可有勾起很多回憶？她說：「本身已忘記呢個片段，當時同佢哋第一次見面。」
有網民留言稱當年的《亞洲星光大道》，才是造星搖籃，她說：「當時覺得真係有好多人睇，𠵱家睇番，自己有『一嚿飯』感覺，因為以前嘅我，包括表演都係不堪入目，𠵱家有機會再睇番呢件事，好似一個紀錄咁都幾得意，蠢蠢哋畀大家笑下都幾好。」
可認為當年輸了比賽，卻造就成今日成為影后是一件好事？她說：「係冇可能能贏到嘅，所以無論如何都係一件好事，令我知道到自己唔適合唱歌，唱歌很難聽。」
