吳海昕（Sofiee）、陳凱詠 （JACE）今天（1日）出席科學園舉行的活動，Sofiee表示已連續4年參與該活動，她說：「我已經係呢個活動老臣子，但個樣應該唔老，仲Keep到，因為我積極運動。」
Sofiee因做運動追求完美，搞到右腳筋膜炎，但她強調不關年紀大骨質疏鬆事，她說：「我仲好健康，之前仲同JACE學完潛水課程，𠵱家可以自己去潛水，仲順道學識游水，成就解鎖，我𠵱家係運動健將，打算聖誕節反傳統去熱帶地方旅行，潛水之餘又可以影靚相。」
Sofiee表示也有與導演保持見面，但因市道差未有演出機會，便決定增值自己，除了學潛水，亦學打鼓，改善身體協調度，她說：「今年我有演出舞台劇，亦參演過電影，不過仲未上映，仲演出過學生作品，希望令自己心態歸零，好似學生一樣重新接觸演戲，等吓機會先，心態仲後生，唔急。」
