樂隊KOLOR近日禍不單行，原定本月在灣仔會展舉行的20周年演唱會受不可抗力因素影響而延期，需另覓場地舉行，主音蘇浩才（Sammy）更突然左耳失聰。Sammy今天（4日）在社交平台上載聽力中心的轉介信照片，信上寫着「Sudder Hearing Loss」（突發性聽力損失）幾個字。
Sammy說︰「今朝起身突然左耳聽唔到嘢，以為又有耳屎塞住，老婆（盧巧音）即刻打畀醫生約睇，醫生叫我即刻出去，照完發現唔係耳屎，應該係有細菌入耳令到神經發炎，可能耳中風。依家去做聽力測試，希望食藥可以冇事。Anyway點都好，多謝老婆機警，多謝馮醫生，就算之後好唔好得番都唔驚得咁多，let it be and be strong﹗我問醫生咁做唔做得運動，佢話啲藥食咗會好精神，唱歌同運動都會好咗。Think on the bright side, and hope for the best﹗」
