單立文（豹哥）將現身今晚（5日）播出的新一集TVB Plus飲食節目《美食新聞報道》，帶主持黃嘉雯（Carmaney）在中西區搵食。他一見到Carmaney便開始搞爛gag︰「黃加藍等如綠，咁『黃』+『雯』等如乜嘢？」豹哥見Carmaney摸不着頭腦，即得意的說出答案「香港小姐」。兩人首站來到西環一間富歐陸風情的餐廳，豹哥吃甜品時再發揮「爛gag王」本色︰「知唔知車房會拜邊位古人？」他稱答案跟鐵板芝士炸雞漢堡、威靈頓牛柳及芒果拿破崙有關。
豹哥眼見Carmaney吃飽後仍可以獨食一客甜品便有感而發地說︰「你哋女人係咪有第二個胃食甜品？我老婆都係咁。」他接住帶Carmaney到訪其位於中環的隱世私家飯堂，他說︰「中環美食多，同埋暗巷角落，一轉入去就別有洞天，好多美食都隱藏喺度，多啲瓹窿瓹罅去試就會有意外收穫。」Carmaney在節目中不時追問豹哥跟豹嫂（胡蓓蔚）的交往，她問︰「聽你哋講啲恩愛故事，你曾經畀豹嫂激到食咗兩個月胃藥，有冇咁嘅事？」豹哥承認及委屈地說︰「身子弱唔激得，真係好慘。其實我好少打女人，嗰次我就...梗係唔係，所以搞到我成兩個月先消到啖氣。」
