《Twins Spirit世界巡迴演唱會》北美巡演，來到最後一站RENO，開騷前遇上當地6級地震，慶幸地震時間很短便停下來，大家安然無恙。完成RENO之後，Twins先返港工作，再飛倫敦演出。
上周五早上10時許，蔡卓妍（阿Sa）本來還在睡夢中，她憶述說：「我本來仲瞓緊，突然聽到房門『啪啪』聲，最初以為有人拍門，然後發覺窗門都『啪啪』聲，我就電話問工作人員，係咪地震呀？佢哋仲笑我發開口夢。但係我見到我房浴缸，我放咗一缸水，等空氣唔好咁乾，成缸水都搖到有波浪，我好驚，未試過感受到咁強地震，即刻跳上牀縮喺頭頂冇任何嘢地方，我唔知震幾耐，間房天花板上面有大燈，不過好彩盞燈又冇乜大搖，但我都驚會跌落嚟。」
阿Sa事後問其他工作人員，在房間的人都感覺到地震，她說：「唔怪得到埗之後，有一個工作人員喺酒店用指南針度方位，幾次都度唔到，我哋仲講笑話係咪有鬼，應該係地殼前一日已經慢慢移動緊，所以就度極都怪怪咁。」阿嬌（鍾欣潼）感覺不到地震，她笑言：「我瞓緊覺，真係乜都感覺唔到。」
