80歲尹光今天（14日）伙拍男團OneUp出席在銅鑼灣鬧市舉行的快閃跳舞活動，獲不少粉絲大叫「光B」支持。尹光受訪時稱好玩，跳得很開心。他說︰「我冇特別練舞，拍廣告時跳過，已經唔記得。我雖然跳得唔齊，但亂跳都開心。 今日嚟『姜濤灣』挑戰？唔係，乜嘢灣都冇問題，你叫『尹光灣』都得，任你叫啫﹗」
OneUp讚尹光比他們更活潑。尹光說︰「我最鍾意同後生仔合作，可以『近青抗老』，人都顯得後生啲﹗」他揚言未來會跳唱更多，計劃明年3月再開騷。談到如何保持體力時，尹光表示︰「我每日差唔多走8000步，漫步人生路嘛﹗如有時間，我就會去打乒乓波，前日至同方力申打完，佢打得好好，同我差唔多，我只係贏佢少少。游水挑戰佢？梗係唔得啦﹗」
