MIRROR全新團綜《MIRROR Chef》明晚（16日）10點半首播，ViuTV的官方社交平台介紹12子入廚經驗。
MIRROR全員化身廚師，王智德（Alton）的入廚經驗為「有心儀對象先會下廚」﹑江𤒹生（AK）就細細個已經識下廚；盧瀚霆最拿手西蘭花炒雞柳，而他的入廚經驗為「家政學會副主席」；呂爵安（Edan）被封天才廚神，入廚經驗為「節目煮幾多就識幾多」﹑陳瑞輝化身「皮師傅」，其入廚經驗「唔係0」；曾獲楊樂文（Lokman）及AK讚廚藝了得的陳卓賢（Ian），化身「謙虛之鬼」，自稱入廚經驗「完全唔識、爐都唔識開、從來冇入過廚房」。
柳應廷則屬勤勞好學的廚師，其入廚經驗則是「一個字，唔多」；李駿傑被封「隔夜飯專家」，入廚經驗則是「炒吓飯又一餐」；姜濤則屬用心做飯的廚師，但入廚經驗一世人大概2﹑3次；Lokman偶爾煮家常便飯；邱士縉是外賣推崇者，一年大概有10分鐘會煮食；邱傲然被封煎蛋高手，入廚經驗是1年大概有2天會煮食。
