音樂人伍仲衡跟周國豐、肥媽（Maria Cordero）及張佳添為《中年好聲音》常駐評審，早前爆出伍仲衡遭無綫「炒魷」，中止《中年3》評審工作，傳導火線是他簽了無綫視為「囊中物」的樂壇新人洪心怡為旗下藝人，觸怒無綫，及後伍仲衡網上直播強調簽洪心怡一事沒有犯規，又指曾向無綫高層提出合作但未獲回覆。
今天（15日）《中年3》錄影，伍仲衡無影，並加入陳奐仁及黃凱芹2位新評審。主持車婉婉受訪時表示，《中年好聲音》的評審好多時都有新面孔，她說：「今次呢個回合係Upbeat歌及悲情歌，2位評判有Upbeat及悲情，《中年好聲音》係大家庭，我成日咁講，好似『曱甴屋』咁，入咗嚟就冇得出去，其實伍仲衡一定係《中年好聲音》其中一個家庭成員，大家去到中年，會有好多變數，但大家都有中年好聲音精神，係團結，大家都係向上嘅。」
問到伍仲衡可有機會回歸？車婉婉說：「咁梗係可能會啦，我成日覺得呢個世界好多嘢唔使講到咁絕對嘅，如我當年失咗聲，（以為）收檔啦，呢世冇歌唱啦，但無端端開咗個演唱會，我覺得好多嘢，唔使諗到咁絕路﹑咁絕對，樣樣嘢每日都係做緊自己，真嘅，累積出嚟就到有一日，係完全唔同面孔同境界。」
