鍾柔美（Yumi）接受新城《原來生活好快樂》訪問，現就讀副學士課程的Yumi，在節目中分享如何兼顧學業和拍劇，Yumi坦言又累又大壓力，幸得到劇中資深演員教導，才得以順利拍攝。
Yumi表示入行至今最辛苦是拍劇，除了經歷幾天通宵拍劇沒睡覺，更試過連續3天放學後趕往開工，她說：「拍劇同返學模式真係好辛苦，尤其我係需要瞓覺嘅人，我唔可以唔瞓覺，唔瞓覺會唔開心、情緒低落，但我好享受工作過程，同跟朋友嘅感覺好唔同，雖然好充實，但太攰的話，我上堂會恰眼瞓。」
拍劇對Yumi來說，最有難度是背劇本，她說：「我背書唔係特別叻，套劇我嘅戲分比較重，當我唔夠瞓或者拍到好夜，腦袋會一片空白，又擔心自己會唔會令導演失望，佢哋會唔會對我要求好高，我都試過NG好多次，壓力好大，不過佢哋好體諒我，又會鼓勵我，前輩邵美琪做我劇入面嘅媽媽，佢好好人，好用心教我，而且佢好專業，好值得向佢學習。」
Yumi近日推出新歌《Masterpiece》，憑歌帶出人應該要有的自信，而MV中造型多變：「我完全未試過，都幾新鮮，希望大家會鍾意。」
