電影《破‧地獄》勢如破竹，港澳票房已破1億4500萬，而導演陳茂賢早前被問及加長版進度，他表示一有空檔便趕工剪片，預計下月完成，有望在農曆新年檔期上映加長版。許冠文和黃子華昨晚（23日）出席慶功宴時，對於加長版有望農曆新年檔期上映，子華說：「係呀﹗好癲，唔係新年，係農曆新年搞破地獄。」子華希望電影上映到清明節，許冠文亦表示賀歲檔期上映沒有問題：「好睇咪得囉﹗」
facebook專頁「文人多說話」今天（24日）在fb留言：「如果《破‧地獄》要上埋賀歲，應該改過乜嘢片名好？要『老黎』。」不少網民發揮創意，包括：「破地獄之家有song事」﹑「破如輪轉」﹑「新年拜見祖師爺」﹑「有客到」﹑「殯fun一家」﹑「再‧破‧地獄」﹑「最強白事」﹑「Hello文傳奇」等，不過亦有網民認為：「唔需要（改名），今時今日冇話老唔老黎。」但亦有網民指：「改咩名都唔吉利，拎新年當期上真搞笑，我雖然好想睇，但我一定唔會入場睇，真的大吉利是啦。」
