「2024年度叱咤樂壇流行榜頒獎典禮」今晚（1日）在亞博舉行。叱咤女歌手金銀銅方面，由李幸倪（Gin Lee）﹑陳凱詠（JACE）及雲浩影（Cloud）奪得，JACE和Cloud首次奪得女歌手獎項，Gin Lee打破多次「二奶命」，在幾次奪得女銀後，終於首奪女金。
Gin Lee哽咽說：「我終於行到上嚟，呢幾級樓梯我行咗15年，條路雖然辛苦同困難重重，慶幸我冇放棄過，我要多謝香港，多謝你哋接受我﹑認可我，我雖然唔喺呢度出世，但我係呢度長大，呢度係我嘅家，你哋全部係我家人。2年幾前，我非常迷茫，差點放棄，Raymond問我有冇信心，我證明畀自己睇我係得，由嗰日開始，同EEG每個同事，一步努力推我嚟到女金呢個舞台。」Gin Lee表示追夢好似馬拉松：「請相信自己畀想像中更加強，唔好再叫我『萬年女銀』，大家可以叫我『阿金』喇﹗」
