ERROR成員梁業（肥仔）今天（2日）化身其設計毛公仔ELFA，現身銅鑼灣宣傳新歌《MASCOT》，吸引不少粉絲支持，小朋友甫見到ELFA又攬又惜，肥仔即席表演跳舞。肥仔指ELFA外表可愛又乖，但內裏其實有點曳，他笑說：「我心境好曳，但唔敢曳，因太多例子警剔我唔敢曳。（想出軌？）唔做呢啲，有女仔攬下我已經好開心。（想整蠱成員？）唔會，我同阿Dee（何啟華）唔夠193（郭嘉駿）和（吳）保錡玩，佢哋玩得好癲，經常整蠱我哋，又取笑阿Dee靚仔，又話我蠢，我有時幾蠢，因太善良，慶幸未試過被騙，不過我都想畀人騙財騙色。」
