楊洛婷（Rabeea）日前匆匆帶同大女飛返溫哥華，探望正在ICU留醫、情况危急的父親，丈夫黃天翱（Tim）就留在香港照顧兒子。Rabeea香港時間今晨（3日）在社交平台發文透露父親目前只可靠氧氣機呼吸，醫生已盡了力，要靠父親的意志力克服病魔。雖然如此，她有信心父親能渡過難關，康復出院回家。
Rabeea說︰「最近有好多人問我點解我爸爸喺深切治療部，佢發生咗咩事。其實，我爸爸真係我認識最堅強嘅人！過去20多年來，佢經歷咗兩次心臟移植同一次腎臟移植，雖然佢服用嘅藥物可以防止排斥反應，但都令佢嘅免疫系統變得好脆弱，傷風或者咳嗽咁常見嘅病對佢嚟講都可能危險。最近一個月，佢出現咗好嚴重嘅呼吸困難，氧氣水平降得好低，對佢嘅肺部造成咗永久性嘅損傷。醫生做咗好多病毒測試，但都未能確診。依家，佢只能靠氧氣機來呼吸。醫生已經盡咗最大努力，依家就要睇佢自己能唔能夠克服呢一切。雖然面對咁多挑戰，我哋依然充滿希望。佢喺整個治療過程中展現出嘅力量同堅忍，令我相信佢一定可以戰勝呢個難關！我想感謝所有喺messages慰問我地同為我地祈禱嘅每位朋友，相信呢啲力量全部俾晒爸爸支持緊佢。」
