草蜢成員蔡一智日前「登六」，喜歡跑步的阿智喜獲影帝周潤發及其他跑友為他預備生日驚喜，阿智昨天（5日）在社交平台貼片，他跑完新年第一跑的15K，便和發哥及其他跑友歎大餐：「這個生日真的發發發，步步高陞，祝各跑友越跑越有。」
另外，阿智的好友容祖兒﹑古天樂﹑張智霖﹑袁詠儀﹑關智斌﹑古巨基和蔡卓妍（阿Sa）等，日前盛裝出席阿智的生日派對，阿Sa在Ig表示與阿智的緣分，是在她6歲的時候：「嗰陣時我老竇正職係一個設計師，副業就幫一間娛樂公司負責香港歌手海外登台，我第一次見到明星就係草蜢同彭羚，因為太細個，所以好多片段都唔記得喇。」
阿Sa表示時間一轉去到Twins首個演唱會：「我哋嗰陣時出道唔夠一年，公司就幫我哋開演唱會，夾夾埋埋得六隻歌，咁公司就諗住搵啲勁嘅前輩歌手，幫我哋撐場，其中一個就係草蜢，我諗住佢哋都唔會記得我啦，點知喺Rehearsal嘅時候，一嚟到見到我媽咪，就即刻同我媽咪打招呼話好耐冇見，嘩！過咁耐佢都仲記得，我媽咪即刻冧咗。得人恩果千年記，見過幾次面咋，個人真係好好呀！」
